ಕಥೆ-686
ಸಂಭ್ರಮಕ್ಕೂ ಮಿತಿಯಿರಲಿ
ಸಂಭ್ರಮಕ್ಕೂ ಮಿತಿಯಿರಲಿ ಪ್ರತಿ ಗೆಲುವನ್ನು ಸಂಭ್ರಮಿಸಬೇಕು. ಆದರೆ ಅವುಗಳನ್ನು ಸಂಭ್ರಮಿಸುವುದರಲ್ಲಿಯೇ ಕಾಲ ಕಳೆಯಬಾರದು. ಬದಲಾಗಿ ಆ ಸಮಯವನ್ನು ಮತ್ತೊಂದು ಮೆಟ್ಟಿಲು ಹತ್ತುವುದಕ್ಕೆ ಉಪಯೋಗಿಸಿಕೊಳ್ಳಬಹುದು. ಕೂಸು ಹುಟ್ಟೋಕು ಮುನ್ನವೇ ಕುಲಾವಿ ಹೊಲಿಸಿದ ಹಾಗೆ, ಸಂಪೂರ್ಣವಾಗಿ ಸಾಧಿಸುವ ಮುನ್ನವೇ ಸವಾಲುಗಳನ್ನು ಎದುರಿಸುವತ್ತ ಗಮನ ನೀಡಬೇಕು. ಅಂದುಕೊಂಡಿದ್ದನ್ನು ಸಾಧಿಸುವಾಗ ಎಲ್ಲರಿಗೂ ಹೇಳಿಕೊಳ್ಳುವುದರಲ್ಲೇ ಸಮಯ ವ್ಯರ್ಥ ಮಾಡಿಕೊಂಡರೆ ಮುಂದಿನ ಹಂತಕ್ಕೆ ಅಣಿಯಾಗಲು ಕಾಲಾವಕಾಶವೇ ಸಿಗುವುದಿಲ್ಲ. ಹೀಗಾದಾಗ ಸೋಲನ್ನು ಕಾಣುವ ಪ್ರಮೇಯವೂ ಬರಬಹುದು.
ಗೆದ್ದೇಬಿಟ್ಟೆ ಎಂದು ಸಂಭ್ರಮಿಸುವಷ್ಟು ಅತಿಯಾದ ವಿಶ್ವಾಸವೂ ಇರಬಾರದು. ಅದರ ಬದಲಾಗಿ ಯಾವಾಗಲೂ ಸಮಚಿತ್ತತೆಯನ್ನು ಕಾಯ್ದುಕೊಂಡು ಸೋಲು ಹಾಗೂ ಗೆಲುವುಗಳನ್ನು ಸಮಾನವಾಗಿ ಸ್ವೀಕರಿಸಿದರೆ ಪರೋಕ್ಷವಾಗಿ ಅವಧಿಯ ಉಳಿತಾಯವೂ ಸಾಧ್ಯವಾಗುತ್ತದೆ. ಆದ್ದರಿಂದ ಯಾವುದಕ್ಕೂ ಆತುರ ಬೇಡ. ಗೆದ್ದ ಖುಷಿಯಲ್ಲಿ ತೇಲಾಡಿ ಕಾಲಹರಣ ಮಾಡಿ ಭವಿಷ್ಯಕ್ಕೆ ಹಾನಿ ತಂದುಕೊಳ್ಳುವ ಬದಲಾಗಿ ಗುರಿ ತಲುಪಲು ಸಿದ್ಧತೆ ನಡೆಸುವುದು ಒಳ್ಳೆಯದು.
ಕೃಪೆ-ನೆಟ್
