DNA ಅಣುವಿನ ರಚನೆಯ ಆವಿಷ್ಕಾರದ ಹಿಂದಿರುವ ಸತ್ಯ
DARK LADY OF DNA - ROSALIND FRANKLIN
ವೈದ್ಯಕೀಯ ಕ್ಷೇತ್ರದಲ್ಲಿ ಮಹಿಳೆಯರನ್ನು ಸುತ್ತುವರೆದಿರುವ ವಿವಾದಗಳು ಹೊಸದೇನಲ್ಲ, ಬ್ರಿಟಿಷ್ ರಸಾಯನಶಾಸ್ತ್ರಜ್ಷೆ ಮತ್ತು ಸಂಶೋಧಕಿ, ರೊಸಾಲಿಂಡ್ ಫ್ರಾಂಕ್ಲಿನ್ ರವರ ಸಂಶೋಧನೆಯು ಇಲ್ಲಿಯವರೆಗಿನ ಸಂಶೋಧನೆಯಲ್ಲಿ ಅತ್ಯಂತ ವಿವಾದಾತ್ಮಕವೆಂದು ಪರಿಗಣಿಸಲಾಗಿದೆ.
ಡಾ. ಫ್ರಾಂಕ್ಲಿನ್‌ರ ಜೀವನ ಮತ್ತು ಕೆಲಸವನ್ನು ಅವರ ಬಹುತೇಕ ಪುರುಷ ಸಹೋದ್ಯೋಗಿಗಳು ಟೀಕಿಸಿದರು. ಜೀವದ ನೀಲನಕಾಶೆ ಎನಿಸಿದ, ಜೀವಿಗಳ ಆನುವಂಶೀಯ ವಸ್ತುವಾದ ಡಿಎನ್‌ಎ ದ್ವಿಸುರುಳಿ ರಚನೆಯ ಆವಿಷ್ಕಾರದ ಗೌರವದಲ್ಲಿ ಸಿಂಹಪಾಲು ರೋಸಾಲಿಂಡ್‌ ಫ್ರಾಂಕ್ಲಿನ್ ರವರಿಗೇ ಸಲ್ಲಬೇಕು. ನಾನೀಗ ಹೇಳ ಹೊರಟಿರುವುದು ಡಿಎನ್‌ಎ ದ್ವಿಸುರುಳಿ ಮಾದರಿಯ ಆವಿಷ್ಕಾರದ ಖ್ಯಾತಿಯ ಸತ್ಯಾಸತ್ಯತೆ.
ಡಾ.ಫ್ರಾಂಕ್ಲಿನ್ ಅವರು ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದ ನ್ಯೂನ್‌ಹ್ಯಾಮ್ ಮಹಿಳಾ ಕಾಲೇಜಿನಲ್ಲಿ ಭೌತಶಾಸ್ತ್ರ ಮತ್ತು ರಸಾಯನಶಾಸ್ತ್ರವನ್ನು ಅಧ್ಯಯನ ಮಾಡುವ ಮೂಲಕ ತಮ್ಮ ಪ್ರಭಾವಶಾಲಿ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಕಾರ್ಬನ್ ಮತ್ತು ಗ್ರ್ಯಾಫೈಟ್ ಮೈಕ್ರೋಸ್ಟ್ರಕ್ಚರ್‌ಗಳನ್ನು ವಿಶ್ಲೇಷಿಸುವ ಬ್ರಿಟಿಷ್ ಕೋಲ್ ಯುಟಿಲೈಸೇಶನ್ ರಿಸರ್ಚ್ ಅಸೋಸಿಯೇಷನ್ (BCURA) ಗಾಗಿ ಅವರು ಕೆಲಸ ಮಾಡಿದರು.
ಹಲವಾರು ವರ್ಷಗಳ ನಂತರ, ಡಾ. ಫ್ರಾಂಕ್ಲಿನ್ ಅವರು ಟರ್ನರ್ ಮತ್ತು ನೆವಾಲ್ ಫೆಲೋಶಿಪ್ ಪಡೆದರು
ಲಂಡನ್‌ನ ಕಿಂಗ್ಸ್ ಕಾಲೇಜಿನಲ್ಲಿ ಜಾನ್ ಟಿ. ರಾಂಡಾಲ್ ಅವರ ಜೈವಿಕ ಭೌತಶಾಸ್ತ್ರ ಘಟಕವನ್ನು ಸೇರಿದರು. ಆರಂಭದಲ್ಲಿ X-ಕಿರಣ ಸ್ಫಟಿಕಶಾಸ್ತ್ರದ ಘಟಕವನ್ನು ರಚಿಸುವ ಕಾರ್ಯವನ್ನು ಹೊಂದಿದ್ದರು. ನಂತರ ರೋಸಾಲಿನ್‌ ಫ್ರಾಂಕ್ಲಿನ್ ರವರು ತಮ್ಮ ಸಂಶೋಧನೆಯ ಗಮನವನ್ನು DNAಯ ಆಣ್ವಿಕ ರಚನೆಯತ್ತ ಮುಂದುವರಿಸಿದರು. DNA ಯ ಡಬಲ್ ಹೆಲಿಕ್ಸ್ ರಚನೆಯ ಆವಿಷ್ಕಾರಕ್ಕೆ ಅವರ ಅಧ್ಯಯನಗಳು ಮಹತ್ವದ ತಿರುವು ನೀಡಿದವು. ಗಮನಾರ್ಹವಾದ ಅಂಶವೆಂದರೆ ಜೀವದ ಮೂಲವನ್ನು ಹುಡುಕಲು ಈ ಆವಿಷ್ಕಾರವು ವಿಜ್ಞಾನಿಗಳಿಗೆ ಅವರಲ್ಲಿದ್ದ ಹಲವು ಸಂಶಯಗಳಿಗೆ ಪರಿಹಾರವನ್ನೊದಗಿಸಿತು.
ಫ್ರಾಂಕ್ಲಿನ್ ರವರು ಡಿಎನ್‌ಎ ದ್ವಿಸುರುಳಿ ರಚನೆಯ ಅಧ್ಯಯನಕ್ಕೆ ಎಕ್ಸ್‌ರೇ ಕ್ರಿಸ್ಟಲೋಗ್ರಫಿ ತಂತ್ರವನ್ನು ಸಂಶೋಧಿಸಿದರು. ಅದನ್ನು ಫೋಟೋ-51 ಎಂದು ಕರೆಯಲಾಗಿದೆ. ಅವರು ಸಂಶೋಧಿಸಿದ ದಿನಗಳಲ್ಲಿ ತಾವು ಆವಿಷ್ಕರಿಸಿರುವ ಈ ರಚನೆ ಮುಂದೆ ಇಷ್ಟೊಂದು ಪ್ರಖ್ಯಾತಿ ಹೊಂದಬಹುದೆಂಬ ಯಾವುದೇ ಕಲ್ಪನೆಯೂ ಅವರಿಗೆ ಇರಲಿಲ್ಲ. ಕರ್ತವ್ಯ ನಿಷ್ಟೆ ಮತ್ತು ತನ್ನ ಸಂಶೋಧನೆಯಲ್ಲಿದ್ದ ಬದ್ಧತೆಯುಳ್ಳ ಫ್ರಾಂಕ್ಲಿನ್‌ರವರು ತಮ್ಮ ಸಹೋದ್ಯೋಗಿಗಳಿಂದ ಅವಗಣನೆಗೊಳಗಾದರು ಎನ್ನುವುದೇ ಐತಿಹಾಸಿಕ ವ್ಯಂಗ್ಯ.
ಡಿಎನ್‌ಎ ಅಣುವಿನ ರಚನೆಯ ಸಂಶೋಧನಾ ಕಾರ್ಯ ಮುಂದುವರೆಯಿತು
ಸಂಶೋಧನಾ ಸಂಸ್ಥೆಯ ಸಹಾಯಕ ಮುಖ್ಯಸ್ಥರಾಗಿದ್ದಂತಹ ವಿಲ್ಕಿನ್ಸ್‌ ರವರಿಗೆ ಫ್ರಾಂಕ್ಲಿನ್‌ರವರು ಸಂಶೋಧಿಸಿದ ಡಿಎನ್‌ಎ ದ್ವಿಸುರುಳಿ ಮಾದರಿಯ ಮಾಹಿತಿ ಬಗ್ಗೆ ತಿಳಿಯಿತು. ವಿಲ್ಕಿನ್ಸ್‌ ರವರು ಪ್ರಾರಂಭದಲ್ಲಿ ಫ್ರಾಂಕ್ಲಿನ್‌ರವರನ್ನು ತಮ್ಮ ಜೊತೆ ಡಿಎನ್‌ಎ ಸಂಶೋಧನೆಯ ಬಗ್ಗೆ ಕಾರ್ಯನಿರ್ವಹಿಸಲು ಕೇಳಿಕೊಂಡರು. ಆದರೆ ಸಂಸ್ಥೆಯ ಮುಖ್ಯಸ್ಥರ ಆದೇಶದ ಮೇರೆಗೆ ಅವರು ಇವರ ಜೊತೆ ಕೆಲಸ ಮಾಡಲು ಸಾಧ್ಯವಾಗಲಿಲ್ಲ.
1958ರಲ್ಲಿ ರೋಸಾಲಿಂಡ್‌ ಫ್ರಾಂಕ್ಲಿನ್‌ರವರು ಅನಾರೋಗ್ಯ ಹೊಂದಿ ಅಂಡಾಶಯದ ಕ್ಯಾನ್ಸರ್‌ನಿಂದ ಮೃತರಾಗುತ್ತಾರೆ. ಅವರ ಮರಣಾನಂತರ ಡಿಎನ್‌ಎ ರಚನೆಯ ಮೇಲಿನ ಸಂಶೋಧನೆಯನ್ನು ಈ ಮೂರು ಸ್ನೇಹಿತರು ಮುಂದುವರಿಸುತ್ತಾರೆ. ಜೀವಿಗಳ ಪ್ರತಿಯೊಂದು ಲಕ್ಷಣಗಳು ಡಿಎನ್‌ಎ ರಚನೆಯ ಮೇಲೆಯೇ ಅವಲಂಬಿತವಾಗಿದೆ ಎನ್ನುವುದನ್ನು ಇವರ ಸಂಶೋಧನೆಯು ಸಾಬೀತುಪಡಿಸುತ್ತದೆ.
ಫ್ರಾಂಕ್ಲಿನ್ ಅವರ ಜೀವನವನ್ನು ಅನಾರೋಗ್ಯ ತಿಂದು ಹಾಕದೇ ಇದ್ದಿದ್ದರೆ, ಬಹುಷಃ ಅವರ ಸಂಶೋಧನೆಗಳು ಔಷಧ-ವಿಜ್ಞಾನದಲ್ಲಿ ಮಹಾಕಾಂತಿಯನ್ನೇ ಉಂಟುಮಾಡುತ್ತಿದ್ದವು ಎಂಬುದರಲ್ಲಿ ಸಂದೇಹವಿಲ್ಲ. ಅವರ ಅದ್ಭುತ ವೃತ್ತಿಜೀವನವು ಇನ್ನೂ ಸಂಪೂರ್ಣವಾಗಿ ಅನಾವರಣಗೊಳ್ಳದಿದ್ದರೂ ಲಂಡನ್‌ನ ವಿಲ್ಲೆಸ್ಡೆನ್ ಯಹೂದಿ ಸ್ಮಶಾನದಲ್ಲಿರುವ ಡಾ. ಫ್ರಾಂಕ್ಲಿನ್ ಅವರ ಸಮಾಧಿಯ ಮೇಲಿನ ಫಲಕದಲ್ಲಿ ಡಿ ಎನ್‌ ಎ ಅಣುವಿನ ರಚನೆಯ ಸಂಶೋಧನೆಯಲ್ಲಿ ಅವರ ಪಾತ್ರವನ್ನು ಸ್ಮರಿಸಲಾಗಿದೆ
No comments:
Post a Comment