ಕಥೆ-959
ಸೂರ್ಯನ ಅಂತ್ಯ ಕಂಡ ವಿಜ್ಞಾನಿ
https://basapurs.blogspot.com
14 ವರ್ಷದ ಬಾಲಕ ಒಂದು ವಿಜ್ಞಾನ ಪುಸ್ತಕ ಓದುತ್ತಿದ್ದಾಗ ಒಂದು ವಿಚಾರ ಕಾಡಿತು... “ನಕ್ಷತ್ರಗಳು ಸಾಯುತ್ತವೆಯೆ? ಸಾಯುವಾಗ ಏನಾಗುತ್ತದೆ? ನಕ್ಷತ್ರಗಳ ಬಗ್ಗೆ ತಿಳಿದುಕೊಳ್ಳುವ ಕುತೂಹಲ, ನಕ್ಷತ್ರಗಳ ಹುಟ್ಟು ಮತ್ತು ನಕ್ಷತ್ರಗಳು ಹೇಗೆ ಸಾಯುತ್ತವೆ ?
ನಕ್ಷತ್ರಗಳ ಬಗೆಗಿನ ಅದ್ಭುತವಾದ ಕುತೂಹಲವು ಆ ಬಾಲಕನಿಗೆ ಸಂಶೋಧನೆಗೆ ದಾರಿ ಮಾಡಿತು...
ಆ ವಿದ್ಯಾರ್ಥಿಯ ಕುತೂಹಲವು ಮುಂದೆ ನಕ್ಷತ್ರಕ್ಕೆ ಸಂಬಂಧಿಸಿದ ಲೆಕ್ಕ ಹಾಕಿ ಕಂಡುಕೊಂಡದ್ದು ಏನೆಂದರೆ
ನಕ್ಷತ್ರಗಳು ದೊಡ್ಡದಾಗಿದ್ದಾಗ ಅವು ಕುಸಿದು “ಕಪ್ಪು ರಂಧ್ರ” (Black Hole) ಆಗುತ್ತವೆ. ಎಂಬ ತತ್ವವನ್ನು ಮಂಡಿಸಿದರು
ಆ ಕಾಲದಲ್ಲಿ ವಿಶ್ವದ ದೊಡ್ಡ ವಿಜ್ಞಾನಿಗಳೆಲ್ಲಾ,
ನೋಬೆಲ್ ವಿಜೇತರೇ,
ಅವರ ತತ್ವವನ್ನು ನಂಬದೇ ನಿಂದಿಸಿದರು
“ಇದು ಅಸಾಧ್ಯ!
ನಿನ್ನ ಲೆಕ್ಕ ತಪ್ಪಾಗಿದೆ.” ಎಂದು ಅವರನ್ನು ನಿಂದಿಸಿದ
ಎಂಟು ವರ್ಷಗಳ ಕಾಲ ಅವರ ಮೇಲೆ ಅಪಹಾಸ್ಯ ನಡೆಯಿತು.
ಆದರೆ ಅವರ ಪ್ರಯತ್ನ ಕೈಬಿಡಲಿಲ್ಲ.
ಮರು ಲೆಕ್ಕ ಹಾಕಿ ತೋರಿಸಿದ....
ಕೊನೆಗೆ ವಿಶ್ವವೇ ಒಪ್ಪಿಕೊಂಡಿತು ಮತ್ತು ಅಪ್ಪಿಕೊಂಡಿತು ಆ ಸಿದ್ಧಾಂತವೇ ಸರಿ ಎಂದು....
ನಕ್ಷತ್ರಗಳ ಗಾತ್ರ, ಭಾರ, ಜೀವನ ಮತ್ತು ಅಂತ್ಯವನ್ನು ನಿರ್ಧರಿಸುವ ನಿಯಮಗಳನ್ನು ಕಂಡುಹಿಡಿದ.. ಭಾರತದ ಮಹಾನ್ ವಿಜ್ಞಾನಿ. ಅವರೇ ಸುಬ್ರಹ್ಮಣ್ಯನ್ ಚಂದ್ರಶೇಖರ್..
ಅವರು ಕಂಡುಹಿಡಿದ ಖಗೋಳ ಶಾಸ್ತ್ರಕ್ಕೆ ಸಂಬಂಧಿಸಿದ ನಿಯಮಕ್ಕೆ ಅವರ ಗೌರವಾರ್ಥ “ಚಂದ್ರಶೇಖರ್ ಮಿತಿ” ಎಂದು ಹೆಸರಿಡಲಾಗಿದೆ... ಅದು ಖಗೋಳಶಾಸ್ತ್ರದಲ್ಲಿ ಅತ್ಯಂತ ಮಹತ್ವದ ನಿಯಮಗಳಲ್ಲಿ ಒಂದು.
1983ರಲ್ಲಿ ಅವರಿಗೆ ನೋಬೆಲ್ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ...
ವಿಜ್ಞಾನದಲ್ಲಿ ಹಾಸ್ಯ, ನಿಂದೆ, ವಿರೋಧಗಳನ್ನು “ಪ್ರಗತಿಯ ಪರೀಕ್ಷೆ”. ಎಂದುಕೊಳ್ಳಬೇಕು..
ಕುತೂಹಲವಿದ್ದರೆ ವಿಜ್ಞಾನ ಜೀವಂತವಾಗಿರುತ್ತದೆ... ಧೈರ್ಯವಿದ್ದರೆ ವಿಶ್ವವೇ ನಿಮಗೆ ತಲೆಬಾಗುತ್ತದೆ.
ಅಡೆತಡೆಗಳು ಬಂದರೂ ನಿಲ್ಲಬಾರದು ನಮ್ಮ ಕನಸು....
ಒಂದು ಆವಿಷ್ಕಾರ ಒಂದು ದೇಶವನ್ನೇ /ವಿಶ್ವವನ್ನೇ ಬದಲಾಯಿಸಬಲ್ಲದು..
ಪ್ರತಿಯೊಬ್ಬ ವಿದ್ಯಾರ್ಥಿಯಲ್ಲೂ ವಿಜ್ಞಾನಿಯ ಕಿರಣ ಇದ್ದೇ ಇರುತ್ತದೆ ....
-ಶಂಕರಗೌಡ ಬಸಾಪೂರ
No comments:
Post a Comment