ಕಥೆ-1058
ಪೋಲಿಯೋ ಔಷಧಿ
ಈ ಭೂಮಿಯ ಮೇಲಿನ ಕೊಟ್ಯಂತರ ಮಕ್ಕಳ ಪಾಲಿಗೆ "ಸಂಜೀವಿನಿ" ಯಾಗಿರುವ ಫೋಲಿಯೋ ಹನಿಗಳನ್ನು ಕೊಡುಗೆಯಾಗಿ ಕೊಟ್ಟು ಹೋದ ಮಹಾನುಭಾವ ವೈದ್ಯ ವಿಜ್ಞಾನಿ ಜೋನಾಸ್ ಸಾಲ್ಕ್.
1950ರ ದಶಕದಲ್ಲಿ ಅಣು ಬಾಂಬ್ ನಷ್ಟೇ ವಿನಾಶಕಾರಿ ಎಂಬ ಅಪಖ್ಯಾತಿ ಗಳಿಸಿದ್ದ ಫೋಲಿಯೋ ರೋಗಕ್ಕೆ ಚುಚ್ಚು ಮದ್ದು ಕಂಡು ಹಿಡಿದಿದ್ದು ಇವರ ವಿದ್ಯೆ-ಬುದ್ದಿವಂತಿಕೆಗೆ ಸಾಕ್ಷಿಯಾದರೆ, ತಾವು ಕಂಡು ಹಿಡಿದ ಈ ಚುಚ್ಚು ಮದ್ದಿಗೆ ಪೇಟೆಂಟ್ ಪಡೆಯದೇ "ಯಾರಾದರು, ಯಾವ ದೇಶವಾದರೂ ಪುಕ್ಕಟೆಯಾಗಿ ಈ ಔಷಧಿಯನ್ನು ಬಳಸಿಕೊಳ್ಳಿ, ಇದಕ್ಕೆ ನನ್ನ ಅನುಮತಿ ಬೇಕಿಲ್ಲ" ಎಂದದ್ಡು ಅವರಲ್ಲಿದ್ದ ಮಾನವೀಯ ಕಳಕಳಿಯನ್ನು ತೋರಿಸುತ್ತದೆ.
"ನೂರಾರು ಕೋಟಿ ಸಂಪಾದಿಸಬಹುದಾಗಿದ್ದ ಈ ಲಸಿಕೆಗೆ ನೀವು ಏಕೆ ಪೇಟೆಂಟ್ ಪಡೆಯಲಿಲ್ಲ?" ಎಂದು ಯಾರೋ ಕೇಳಿದ ಪ್ರಶ್ನೆಗೆ ಜೋನಾಸ್ ರವರ ಉತ್ತರ ಹೀಗಿತ್ತಂತೆ..
"ಸೂರ್ಯನೂ ತನ್ನ ಬೆಳಕಿಗೆ ಪೇಟೆಂಟ್ ಪಡೆದರೆ ಏನು ಮಾಡಬೇಕು?" ಎಂದದ್ದು ಅವರಲ್ಲಿನ ವಿಶ್ವಮಾನವ ಪ್ರಜ್ಞೆಗೆ ಸಾಕ್ಷಿ.
No comments:
Post a Comment