Shankargouda Basapur

 ಎಸ್ಸೆಸ್ಸೆಲ್ಸಿ ನಂತರ ಮುಂದೇನು? ಸಾಕಷ್ಟು ವಿದ್ಯಾರ್ಥಿಗಳು ಕೇಳುವ ಪ್ರಶ್ನೆ.....

ಇದಕ್ಕೆ ಉತ್ತರವಾಗಿ ಒಂದು ಅವಲೋಕನ..

ಅಂತೂ ಇಂತೂ ಇಂದು 10th ಫಲಿತಾಂಶ ಪ್ರಕಟಣೆ ಆಯಿತು.

10ನೇ ತರಗತಿ ಫಲಿತಾಂಶ-1 ಪ್ರಕಟಣೆ-2024..

Our School toppers..

1) ಪ್ರಥಮ- ರಕ್ಷಿತಾ ಗಾಣಿಗೇರ (91.04%) 569/625

2) ದ್ವಿತೀಯ-ಅಶ್ವಿನಿ ಮಾಡ್ಲಿಗೇರಿ (83.68%) 523/625

3) ತೃತೀಯ-ಸಹನಾ ಮಾಲಿಪಾಟೀಲ್ (81.44%) 509/635

59 ವಿದ್ಯಾರ್ಥಿಗಳಲ್ಲಿ 44 ವಿದ್ಯಾರ್ಥಿಗಳು ಉತ್ತೀರ್ಣ..

ಶಾಲೆಯ ಫಲಿತಾಂಶ 74.57%

ಪ್ರಯತ್ನ ಮಾಡಿದವರಿಗೆ ಫಲ ಎಂಬಂತಿದೆ Web cast camera. ಅದರ ಭಯದಿಂದಲೋ ಅಥವಾ ಅದರ ಮಹಿಮೆಯಿಂದಲೂ ಕೆಲವು ವಿದ್ಯಾರ್ಥಿಗಳು ಅನುತ್ತೀರ್ಣರಾಗಿರಬಹುದು, ಅವರಿಗೆ ಇದೇ ವರ್ಷದಲ್ಲಿ ಉತ್ತೀರ್ಣರಾಗಲು ಇನ್ನು ಎರಡು ಅವಕಾಶಗಳಿವೆ. ಇದೆ ಜೂನ್ 7ನೇ ತಾರೀಖಿನಂದು ಮೌಲ್ಯಾಂಕನ 2ನೇ ಪರೀಕ್ಷೆಯು ಪ್ರಾರಂಭವಾಗುತ್ತದೆ. ಅದಕ್ಕಾಗಿ ಈಗೀನಿಂದಲೇ ತಯಾರಿ ಮಾಡಿಕೊಳ್ಳಿ. ಈ ಪೂರಕ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುವುದರ ಮೂಲಕ ಇದೇ ಶೈಕ್ಷಣಿಕ ವರ್ಷದಲ್ಲಿ ಮುಂದಿನ ತರಗತಿಗೆ ಪ್ರವೇಶ ಪಡೆಯಬಹುದು. ಯಾವ ವಿಷಯಗಳಲ್ಲಿ ಅನುತ್ತೀರ್ಣರಾಗಿದ್ದೀರಿ ಆ ವಿಷಯಗಳ ಪಾಸಿಂಗ್ ಪ್ಯಾಕೇಜ್ ಅನ್ನು ತೆಗೆದುಕೊಂಡು ನೀವು ಸರಳವಾಗಿ ಪಾಸ್ ಆಗಬಹುದು.

 

ಉತ್ತೀರ್ಣರಾದವರು ನಿಮ್ಮ ಆಸಕ್ತಿರಂಗದ ಮತ್ತು ಮುಂದೆ ಬೇಡಿಕೆ ಇರುವ ಕೋರ್ಸಗಳ ಸ್ಪಷ್ಟ ಗುರಿ, ಪ್ಲಾನ್ ಹಾಕಿಕೊಳ್ಳುವುದು ಉತ್ತಮ.. 

ಪ್ರತಿಯೊಬ್ಬ ವಿದ್ಯಾರ್ಥಿ ಹಾಗೂ ಅವರ ಪಾಲಕರೆಲ್ಲರಲ್ಲೂ ಒಂದೇ ರೀತಿಯ ಚಿಂತೆ. ಅದೇನೆಂದರೆ, ಎಸ್‌ಎಸ್ಎಲ್‌ ನಂತರ ಮುಂದೇನು? ಯಾವ ಕೋರ್ಸ್ ಆಯ್ಕೆ ಮಾಡಿಕೊಳ್ಳಬೇಕು? ಯಾವುದನ್ನು ಆಯ್ಕೆ ಮಾಡಿಕೊಂಡರೆ ಭವಿಷ್ಯ ಅತ್ಯುತ್ತಮವಾಗಿರುತ್ತದೆ? ಇಂತಹ ನಿರ್ಣಯ ಕೈಗೊಳ್ಳುವ ಸಂದರ್ಭದಲ್ಲಿ ಸ್ವಲ್ಪ ವ್ಯತ್ಯಾಸವಾದರೂ ಕೂಡ ಮುಂದಿನ ಭವಿಷ್ಯಕ್ಕೆ ಭಾರಿ ದೊಡ್ಡ ಪೆಟ್ಟು ಬೀಳುತ್ತದೆ.

ಪಾಲಕರು ತಮ್ಮ ಮಕ್ಕಳ ಆಸಕ್ತಿಯ ವಿಷಯವೇನು? ಯಾವ ವಿಷಯದಲ್ಲಿ ಅತ್ಯುತ್ತಮ ಆಗಿದ್ದಾರೆ? ಎಂಬ ಪ್ರಮುಖವಾದ ಅಂಶಗಳನ್ನು ಗಮನಿಸದೇ ತಮ್ಮ ಯಾರೊ ಸಂಬಂಧಿಯವರ ಮಕ್ಕಳು ಆಯ್ದುಕೊಂಡ ಕೋರ್ಸ್ ಅನ್ನೇ ತಮ್ಮ ಮಕ್ಕಳು ಕೂಡ ಅಯ್ದುಕೊಳ್ಳುವಂತೆ ಒತ್ತಡ ಹೇರಿ, ಅದೇ ಕೋರ್ಸಿಗೆ Admission ಮಾಡಿಸುತ್ತಾರೆ. ಈ ರೀತಿಯ ನಿರ್ಣಯಗಳಿಂದ ಮಕ್ಕಳಲ್ಲಿ ಆಸಕ್ತಿ ಇಲ್ಲದೇ, ಅವರು ನಿರ್ದಿಷ್ಟ ಸಾಧನೆ ಮಾಡುವಲ್ಲಿ ವಿಫಲರಾಗುತ್ತಾರೆ.

ಪಾಲಕರು ಮಾಡುವ ಈ ರೀತಿಯ ತಪ್ಪುಗಳು. ಒಂದೆಡೆಯಾದರೆ, ಇನ್ನೊಂದೆಡೆ ವಿದ್ಯಾರ್ಥಿಗಳು ಸಹ ತಮ್ಮ ಅಸಕ್ತಿಯ ಕ್ಷೇತ್ರದತ್ತ ಗಮನಹರಿಸದೇ ತನ್ನ ಗೆಳೆಯ, ಗೆಳತಿಯರು ಆಯ್ದುಕೊಂಡ ಕೋರ್ಸ್‌ಳಿಗೆ ತಾವೂ ಸೇರಿಕೊಂಡು ನಿರೀಕ್ಷಿತ ಸಾಧನೆ ಮಾಡುವಲ್ಲಿ ವಿಫಲರಾಗುತ್ತಾರೆ.

ಯಾವುದೆ ಕೋರ್ಸ್ ಆಯ್ಕೆ ಮಾಡಿಕೊಳ್ಳುವ ಮೊದಲು ನನ್ನಲ್ಲಿರುವ ವಿಶೇಷ ಸಾಮರ್ಥ್ಯಗಳು ಹಾಗೂ ದೌರ್ಬಲ್ಯಗಳನ್ನು ಪಟ್ಟಿ ಮಾಡಿಕೊಳ್ಳಬೇಕು. ಸಾಮರ್ಥ್ಯಗಳಲ್ಲಿ ಮುಖ್ಯವಾಗಿ ಆಯ್ದುಕೊಳ್ಳಬೇಕಾದ ವಿಷಯದಲ್ಲಿರುವ ಪೂರ್ವ ಜ್ಞಾನ ಹೇಗಿದೆ? ಅದನ್ನೇ ಬೇಸಿಕ್ ಫೌಂಡೇಶನ್ ಅನ್ನುವುದು.. ಈವರೆಗೆ ಅದರಲ್ಲಿ ನನ್ನ ಸಾಧನೆಗಳೇನು? ಆ ವಿಷಯದಲ್ಲಿ ನನಗಿರುವ ವಿಶೇಷ ಆಸಕ್ತಿಗಳೇನು? ಇಂತಹ ಪ್ರಶ್ನೆಗಳನ್ನು ಕೇಳಿಕೊಂಡಾಗ ಉತ್ತರಗಳು ಹೌದು ಎಂದಾದರೆ, ಹಾಗೂ ದೌರ್ಬಲ್ಯಗಳಿಗಿಂತ. ಸಾಮರ್ಥ್ಯಗಳ ಸಂಖ್ಯೆಯೇ ಹೆಚ್ಚಾದರೆ ಮಾತ್ರ ಆ ಕೋರ್ಸ್ ಆಯ್ದುಕೊಳ್ಳುವುದು ಉತ್ತಮ. ಅಲ್ಲದೆ ನಾನು ಆಯ್ದುಕೊಳ್ಳಬೇಕೆಂದಿರುವ ಕೋರ್ಸ್‌ಗೆ ಮುಂದೆ ಭವಿಷ್ಯದಲ್ಲಿರುವ ಅವಕಾಶಗಳೇನು? ಮುಂದೆ ಎದುರಿಸಬೇಕಾಗಿರುವ ಅಡ್ಡಿ-ಆತಂಕಗಳು ಯಾವುವು? ಅವುಗಳನ್ನು ಸಮರ್ಥವಾಗಿ ಎದುರಿಸಿ ಸಾಧಿಸಬಲ್ಲೆ ಎಂಬ ಅತ್ಮವಿಶ್ವಾಸವನ್ನು ಬೆಳೆಸಿಕೊಂಡಾಗ ಮಾತ್ರ ಸಾಧನೆ ಎಂಬುದು ಕಟ್ಟಿಟ್ಟ ಬುತ್ತಿ ಎಂದು ಹೇಳಬಹುದಾಗಿದೆ.

ಈ ರೀತಿಯ ಹಲವಾರು ಕೋರ್ಸ್‌ಗಳ ಆಯ್ಕೆಗಳಲ್ಲಿನ ಗೊಂದಲಗಳಿಂದ ಹೊರಬರುವ ಏಕೈಕ ಮಾರ್ಗವೆಂದರೆ ತಮ್ಮನ್ನು ತಾವು ಸ್ವಾಟ್ (SWOT) ವಿಶ್ಲೇಷಣೆಗೆ ಒಳಪಡಿಸಿಕೊಳ್ಳಬೇಕು.

SWOT ಶಬ್ದ ವಿಶ್ಲೇಷಿಸಿದಾಗ, Long form ನೋಡಿದರೆ 

S-Strength (ನಮ್ಮ ಸಾಮರ್ಥ್ಯಗಳು)

W-Weakness ನಮ್ಮ ದೌರ್ಬಲ್ಯಗಳು), O-Opportunities (ನಮಗೆ ಅವಕಾಶಗಳು), 

T-Threats (ನಮಗೆ ಒದಗಬಹುದಾದ ಅತಂಕಗಳು).

ಬಹಳಷ್ಟು ವಿದ್ಯಾರ್ಥಿಗಳು ಎಸ್‌ಎಸ್‌ಎಲ್‌ಸಿ ನಂತರ ಮುಂದೇನು? ಎಂದು ಪ್ರಶ್ನಿಸಿದಾಗ ಪಿಯುಸಿ (ಕಲಾ, ವಿಜ್ಞಾನ, ವಾಣಿಜ್ಯ) ಕೋರ್ಸ್‌ಗಳಲ್ಲಿ ಯಾವುದಾದರೊಂದಕ್ಕೆ ಸೇರಿಕೊಳ್ಳುವುದು ಎಂಬ ಸಿದ್ದ ಉತ್ತರ ತತ್ ಕ್ಷಣವೇ ಪ್ರಾಪ್ತವಾಗುತ್ತದೆ. ಆದರೆ ಪಿಯುಸಿ ಹೊರತಾಗಿಯೂ ಎಸ್‌ಎಸ್‌ಎಲ್‌ಸಿ ನಂತರ ನೇರವಾಗಿ ಹಲವಾರು ಅತ್ಯುತ್ತಮ ಕೋರ್ಸ್ ಗಳನ್ನು ಆಯ್ಕೆಮಾಡಿಕೊಳ್ಳಬಹುದಾಗಿದೆ ಹಾಗಾದರೆ, ಅಂತಹ ಅಧ್ಯಯನಕ್ಕೆ ಯೋಗ್ಯವಾದ ಕೋರ್ಸ್‌ಗಳು ಯಾವುವು? 

ಎಂಬುದರ ಒಂದು ಚಾರ್ಟನ್ನು ಇದಕ್ಕೆ ಲಗತ್ತಿಸಲಾಗಿದೆ.

ನಮ್ಮ ಮಕ್ಕಳು ತಮ್ಮ ಆಸಕ್ತಿ ರಂಗ ಮತ್ತು ಮುಂದೆ ಭವಿಷ್ಯದಲ್ಲಿ ಬೇಡಿಕೆ ಇರುವಂತಹ ಒಳ್ಳೆಯ ಕೋರ್ಸ್ ಗಳನ್ನು ಆಯ್ಕೆ ಮಾಡಿಕೊಂಡು ಉತ್ತಮ ಭವಿಷ್ಯವನ್ನು ರೂಪಿಸಿಕೊಳ್ಳಲಿ ಎಂಬುದು ನಮ್ಮ ಸದಾಶಯ..👍💐💐💐💐💐