ಕಥೆ-773
ಎಲ್ಲರನ್ನೂ ಸಂತೋಷಪಡಿಸಲು ಆಗಲ್ಲ ..
ನಾವೆಲ್ಲರೂ ಅಷ್ಟೇ. ಇನ್ನೊಬ್ಬರನ್ನು ಸಂತೋಷಪಡಿಸುವುದಕ್ಕೆ ಪ್ರಯತ್ನಿಸುತ್ತಲೇ ಇರುತ್ತೇವೆ. ನಮ್ಮ ಕೆಲಸದಿಂದ, ಪ್ರತಿಭೆಯಿಂದ, ವ್ಯಕ್ತಿತ್ವದಿಂದ ಇನ್ನೊಬ್ಬರನ್ನು ಖುಷಿಪಡಿಸುವ ಪ್ರಯತ್ನವನ್ನು ಜೀವನ ಪೂರ್ತಿ ಮಾಡುತ್ತಲೇ ಇರುತ್ತೇವೆ. ಆದರೆ, ಎಲ್ಲರನ್ನೂ ಸಂತೋಷಪಡಿಸುವುದಕ್ಕೆ ಸಾಧ್ಯವಾ? ಖಂಡಿತಾ ಇಲ್ಲ, ಎಷ್ಟೇ ಪ್ರಯತ್ನಪಟ್ಟರೂ, ನಾವು ಒಂದಲ್ಲ ಒಂದು ಕಾರಣಕ್ಕೆ ಇನ್ನೊಬ್ಬರ ಬಳಿ ಕೆಟ್ಟವರಾಗುತ್ತಲೇ ಇರುತ್ತೇವೆ. ಹಾಗಾಗಿ ಈ ಜಗತಿನಲ್ಲಿ ಎಲ್ಲರನ್ನು ಸಂತೋಷ ಮತ್ತು ತೃಪ್ತಿ ಪಡಿಸುವುದಕ್ಕೆ ಸಾಧ್ಯವೇ ಇಲ್ಲ. ಹಾಗೆ ಮಾಡುತ್ತಾ ಹೋದರೆ ನಮ್ಮ ಜೀವನವನ್ನು ನೆಮ್ಮದಿಯಾಗಿ ಮುನ್ನಡೆಸಲು ಆಗುವುದಿಲ್ಲ, ಏಕೆಂದರೆ, ಬೇರೆಯವರ ಸಂತೋಷ ಮತ್ತು ತೃಪ್ತಿಯನ್ನು ಅರ್ಥ ಮಾಡಿಕೊಳ್ಳುವುದರಲ್ಲಿ .. ನಮ್ಮ ಸಂತೋಷ ಹಾಗೂ ತೃಪ್ತಿಯನ್ನು ಮರೆಯಬೇಕಾಗುತ್ತದೆ. ನಾವು ಸೂಕ್ಷ್ಮವಾಗಿರಬೇಕು. ಇನ್ನೊಬ್ಬರನ್ನು ನೋಯಿಸದಂತೆ ಇರಬೇಕು. ಹಾಗಂತ ಇನ್ನೊಬ್ಬರನ್ನು ಸದಾ ಸಂತೋಷವಾಗಿಡುತ್ತೇನೆ ಮತ್ತು ತೃಪ್ತಿಪಡಿಸುತ್ತೇನೆ ಅಂದರೆ ಸಾಧ್ಯವಿಲ್ಲ. ಅತಿಯಾಗಿ ಸೂಕ್ಷ್ಮವಾಗಿಬಿಟ್ಟರೆ ಜೀವನದಲ್ಲಿ ಬಹಳ ಕಷ್ಟಪಡಬೇಕಾಗುತ್ತದೆ. ಹಾಗಾಗಿ, ಯಾವತ್ತೂ ಬೇರೆಯವರನ್ನು ತೃಪ್ತಿಪಡಿಸುತ್ತೀನಿ ಎಂದು ಹೊರಟು, ನಿಮ್ಮ ಜೀವನವನ್ನು ಹಾಳು ಮಾಡಿಕೊಳ್ಳದಿರಿ. ಅದರ ಬದಲು ಎಲ್ಲರೊಂದಿಗೆ ಒಳ್ಳೆಯ ಸಂಬಂಧ ಇಟ್ಟುಕೊಳ್ಳುವುದಕ್ಕೆ ಪ್ರಯತ್ನ ಮಾಡುವುದು ಒಳ್ಳೆಯದು...
ಸುಧಾ ಮೂರ್ತಿ
No comments:
Post a Comment