ಕಥೆ-809
ನಿರ್ಮೋಹಿ
ಒಬ್ಬ ಮುಗ್ಧ ಶಿಷ್ಯನು ಗುರುಗಳ ಹತ್ತಿರ ಹೋಗಿ 'ನನಗೆ ಮುಕ್ತಿಯು ಎಂದು ಸಾಧ್ಯ?' ಕೇಳಿದ. ಗುರುಗಳು ಅವನ ಕೈಗೆ ಒಂದು ಬಡಿಗೆ ಕೊಟ್ಟು- "ಈ ಬಡಿಗೆ ಯಾವಾಗ ನಿನ್ನ ಕೈ ಬಿಡುತ್ತದೆಯೋ ಅಂದೇ ನಿನಗೆ ಮೋಕ್ಷವಾಗುತ್ತದೆ,''ಎಂದು ಹೇಳಿದರು. ಶಿಷ್ಯನು ಆ ಬಡಿಗೆ ಹಿಡಿದೇ ನಡೆದ, ಕುಳಿತ, ಮಲಗಿದ. ಒಂದೇ ಒಂದು ಕ್ಷಣ ಬಡಿಗೆ ಬಿಟ್ಟು ಇರಲಿಲ್ಲ. ಅರವತ್ತು ವರುಷ ಕಳೆದವು. ಊರ ಜನರೆಲ್ಲ ಅವನಿಗೆ ಬಡಿಗೆ ಬಾಬಾ ಎಂದೇ ಕರೆಯತೊಡಗಿದರು. ಒಂದು ದಿನ ಆ ಮನುಷ್ಯನು ಗುರುಗಳ ಹತ್ತಿರ ಹೋಗಿ-"ನೀವು ಕೊಟ್ಟ ಈ ಬಡಿಗೆ ನನಗೇನು ಮೋಕ್ಷ ಮಾರ್ಗ ತೋರಿಸಲಿಲ್ಲ," ಎಂದು ಆ ಬಡಿಗೆ ಕೆಳಗೆ ಚೆಲ್ಲಿದ. ಗುರುಗಳು ಹೇಳಿದರು- ''ಈ ಬಡಿಗೆಗೂ, ಮೋಕ್ಷಕ್ಕೂ ಏನು ಸಂಬಂಧ? ಎಂದು ಕೇಳಲೆಂದೇ ನಾನು ಬಡಿಗೆ ಕೊಟ್ಟಿದ್ದೆ. ಈಗ ಈ ಬಡಿಗೆಯ ಮೋಹ ಬಿಟ್ಟಂತೆ ಎಂದು ನೀನು ಈ ಪ್ರಪಂಚದ ಮೋಹ ಬಿಟ್ಟು ನಿರ್ಮೋಹಿ ಆಗುವಿಯೋ ಅಂದೇ ಮುಕ್ತನಾಗುವಿ
No comments:
Post a Comment